Una difesa di prima trinca in Tulò

U 14 di farraghju à 3 ore di dopu miziornu,u Cullettivu contr’à a spiculazione è pà u drittu d’allughjassi hà urganizatu una cunfarenza di stampa incù unu di i so dui avvucati Laurent Pozzi-Pasquier.
France 3 var è u ghjurnale la Marseillaise era prisenti. S’hè pussutu  spiecà di modu pricisu chì sò l’attività di l’ex- Semexval in Corsica, attività ch’ùn eranu micca cunnisciute da numarosi abitanti di uVar. Sta scuparta hà messu in còllara assai assai militanti  (P.S, N.P.A, L.O). 

U 15 di farraghju à 11 ore, i dui avvuycati di u cullettivu Rosa Prosperi et Laurent Pozzi-Pasquier, anu travagliatu inseme i so argumenti pà u dopu miziornu.

À un’ora, una trintina di parsone si sò adunite davant’à u Tribunale (TGI)  di Tulò. C’eranu militanti di Manca (PS, NPA, LO), eculugisti, associi di difesa di l’ambiente è corsi di a diaspora.

Da 2 ore è mezu à 4 ore è dece, s’hè passata a causa.
U Prisidente di u T.G.I di Tulò  hè parsu assai assai attentu à i sbaglii di prucedura sottulignati è argumintati da Laurent Pozzi-Pasquier è à a discrizzione puru pricisa di u cuntestu spiculativu è puliticu- mafiosu chì culpisce oghje a Corsica. Era Rosa Prosperi chì era incaricata di fà sta messa in ballu. Anna Laura hà cunfirmatu i so scritti parlendu dinò di u cuntestu generale è sopra tuttu di a prublematica di l’allughju in Calvi. Hà ramintatu a so funzione di porta voce è mustratu chì u parè di u Cullettivu era scumpartutu à l’ispessu in Corsica..
U prucuratore di a Ripublica hà ricusatu di dumandà una cundanna contr’à  Anna laura.

U risultatu sarà cunnisciutu u 7 di marzu.