Manifestazione in Pinu U 1a di Dicembre 2002, " l’ Associu pà a difesa è a valurizazione di u Patrimoniu Storicu di PINU " hà urganizatu una manifestazione chì hà accoltu circa 300 parsone davanti à u Cunventu San Francescu di PINU. U scopu ghjera di opponesi à a vendita, da u merre, di u Cunventu à una parsona privata, è di prupone un prugettu cù un antru versu. St’altru versu saria di mantene u Cunventu in manu à a cullittività (A CUMUNA), di chere i finanziamenti pà riabilità u Cunventu è di fanne un arnese di a valurizazione di e risorse di PINU è di u CAPICORSU. Di fatti, l’ASSOCIU prupone un prugettu di " Gites Ruraux " ammaistatu da a CUMUNA (si veca u pianu più in là). In lu fra tempu chì l’Associu criscia (160 aderenti, è fra elli 105 Pinesi), cinque cunsiglieri municipali anu dimissiunatu in prutesta cù a dicisione di u merre. L’8 di Dicembre scorsu ci hè stata l’elizzione … è sò stati eletti i cinque candidati chì sustenenu l’ASSOCIU. S’ellu era statu un DEMUCRATU, cum’ellu a mughja mane è sera, M. ORSATELLI, u merre di PINU, avaria d’avè dimissiunatu, ma NÒ, s’arrampicheghja è ùn vole tene contu di u votu di i PINESI. Quessa hè demucrazia à l’usu CLANISTU…cum’ella ci hè di regula in Corsica. Ùn vole dì, a manifestazione di u prima di dicembre scorsu hè stata aiutata da parechji associi è muvimenti pulitichi (pà u più naziunalisti è patriottichi). Hè statu un successu maiò. U successu di i cinque cunsiglieri favurevuli à l’Associu hè segnu chì calcosa hè natu in PINU. A presa di cuscenza di u nostru POPULU si face più forte è putente. Tuccava à A MANCA NAZIUNALE d’esse prisente da sustene una vera dinamica paisana è patriottica in lu sensu u più fondu. À l’orlu di u mare U CUNVENTU SAN FRANCESCU È A TORRA : À i rapaci li piacenu i belli lochi … U CUNVENTU SAN FRANCESCU : Patrimoniu di U POPULU CORSU A TORRA : cù a prigantula di prutesta A ghjente adunita in giru à u porta voce di l’Associu U PORTA VOCE DI L’ASSOCIU U PORTA VOCE DI CAPINSEME U PORTA VOCE DI A MANCA NAZIUNALE > U PRUGETTU DI L’ASSOCIU < Vulemu quantunque à dì, pà finisce stu resucontu, chì s’ellu hè u CUNSIRVATORIU DI U LITURALE chì compra u CUNVENTU (pò cumprà bastimenti è palazzi), u pò ancu vultà à a CUMUNA o à un SINDICATU MEZUMEZU (syndicat mixte) pà reggelu. L’AGRIATE è tarreni di u liturale sottu à PRUPIÀ sò prupietà di u CUNSIRVATORIU è sò amministrati da l’associi di e cumune di u circondu… chì ne caccianu benefizii.