QUALE SÒ I NOSTRI FRATELLI ?
Feti a vostra scelta, a nostra hè fatta !
*Dominique PAOLI (1872-1956)
Merre Bunapartistu di AIACCIU (1925-1943)
Manda un dispacciu di felicitazione à Musulinu dopu l’agressione contru à l’Etiupia.
Sarà lampatu fora da i resistenti di u Fronte Naziunale è accusatu di cullaburazione.
*Missak MANOUCHIAN (1906-1944)
Pueta è Resistente
Natu in Armenia, hè surtitu vivu da u Genucidiu Armenianu in 1915.
Fonda duie riviste literarie " Sforzu " è " Cultura ", aderente di u Partitu
Cumunistu in lu 34.
Capu militare di i F.T.P-M.O.I (Franc Tireurs et Partisans- Main d’œuvre Immigré)
in lu 1943, e so azzione mettenu u tarrore ind’è i nazisti (duie operazione à u ghjornu).
Hè chjappu da l’alemani è da a pulizza francese u 16 di Nuvembre di u 43,è fucilatu cù i sò 23 cumpagni u 21 di Farraghju di u 44.
Hè cusì ch’ella compie una di l’operazione di pulizza a più sprapusitata contru à a Resistenza,
chì a furmazione militare di i vuluntarii immigrati d’origine abreia, spagnola, taliana, armeniana…è e sò prove maiò fubbenu, in Parighji stessa, tanti colpi di primura dati à i nazisti.
Hè tandu chì l’alemani è Vichy anu fattu quellu affissu famosu chjamatu " l’affissu rossu ", impicciatu nantu à i muri di Francia u 1a di Marzu di u 44 : " Des libérateurs ? L’armée du crime ! " circhendu dì cunvince i francesi chì i resistenti eranu strangeri.
Hitler, Petain è Musulinu ci anu fattu capisce chì u fascisimu era senza cunfini, femuli sapè, à sti fascisti, chì u contra fascisimu, ancu ellu, hè senza cunfini.*
* Hitler, Petain et Mussolini nous avaient fait comprendre que le fascisme était sans limite, faisons savoir, aux fascistes, que l'anti-fascisme, lui aussi, est sans limite.
